Þróttur kominn í úrslit
Lið Þróttar sótti KA heim í öðrum leik í undanúrslitum Íslandsmótsins í blaki kvenna í gærkvöldi. Þróttur sigraði 3-0. Fyrstu tvær hrinurnar sigruðu okkar stúlkur með sannfærandi hætti 25-13, 25-11, til tíðinda dró í lokahrinunni og var hún jöfn og æsispennandi en lauk með sigri Þróttar 28-26.
Þróttur Nes er því komið í úrslit til Íslandsmeistaratitilinn 2011 og mætir þar HK.
Fyrsti leikurinn í rimmunni verður í Neskaupstað þriðjudaginn 12. apríl kl. 19.30. Annar leikurinn verður í Fagralundi fimmtudaginn 14. apríl kl. 19.30 og ef til þriðja leiks kemur, fer hann fram í Neskaupstað laugardaginn 16. apríl kl. 14.00.
Óskum við Þróttarstúlkum góðs gengis í úrslitaviðureignunum og fylgjumst spennt með þeim.
