Jalla Jalla vann Héraðsprentsmótið í boccia
Úrvalslið Jalla Jalla vann opna Héraðsprentsmótið í boccia sem haldið var á Sumarhátíð. Sex lið tóku þátt í mótinu.
Liðin léku í tveimur riðlum. Lið Framsóknarfélag Fljótsdalshéraðs vann A riðil, Framsóknarfélag Seyðisfjarðar varð í öðru sæti og Skrúður í þriðja sæti. Í B riðli varð Jalla Jalla efst, Einherji annar og HHMT þriðja.
Síðan var leikið til verðlauna. Seyðfirðingar unnu Vopnfirðinga í slagnum um þriðja sætið, 6-2 og Jalla-Jalla burstaði framsóknarmenn af Fljótsdalshéraði 10-0 í úrslitaleiknum.
Lið Jalla-Jalla skipuðu þeir Högni Helgason, Þorvaldur Björgvin Ragnarsson og Bjarni Viðar Hólmarsson.
Mótið var opið öllum líkt og í fyrra. Yngstu keppendurnir voru tólf ára en þeir elstu um nírætt.
