Glæsileg bronsglíma

Skrifað af Ritstjórn þann 04. apríl 2011.

Ásmundur Hálfdán Ásmundsson, UÍA, vann á laugardag til bronsverðlauna í Íslandsglímunni sem fram fór á Reyðarifirði. Ásmundur, sem er 17 ára gamall, lagði Jón Smára Eyþórsson í úrslitaglímu um þriðja sætið.

Hægt er að horfa á myndband af glímunni hérna á vefnum.

Í kvennaflokki náði Ragna Jara Rúnarsdóttir einnig bronsverðlaunum en hún glímdi til úrslita um 2. - 4. sætið. Ásmundur Hálfdán og Ragna Jara eru eftir því sem næst verður komist fyrsta UÍA fólkið til að komast á verðlaunapall í Íslandsglímunni.