Skemmtileg félagsmálafræðsla

Skrifað af Ritstjórn þann 24. mars 2011.

Námskeið í félagsmálafræðslu undir yfirskriftinni, Sýndu hvað í þér býr, var haldið á Egilsstöðum síðastliðinn þriðjudag. Hlutverk námskeiðsins er að fræða þátttakendur um ræðumennsku og fundarsköp.

Tólf þátttakendur tóku þátt í námskeiðinu sem tókst í alla staði mjög vel. Sigurður Guðmundsson landsfulltrúi UMFÍ annaðist kennslu á námskeiðinu og var hann ánægður með virkni og frammistöðu þátttakenda, sem sýndu svo um munar hvað í þeim bjó.

Samskonar námskeiði sem vera átti í Norðfirði var aflýst vegna dræmrar þátttöku.

Á myndinni hér til hliðarmá sjá nemendur á námskeiðinu í skemmtilegri verkefnavinnu.