Helga Alfreðsdóttir sæmd gullmerki ÍSÍ
Helga Alfreðsdóttir, var á Sambandsþingi UÍA á laugardaginn, sæmd gullmerki ÍSÍ fyrir öflugt brautryðjendastarf í frjálsum íþróttum á Austurlandi í gegnum árin.
Helga vann gríðarlegt uppbyggingarstarf í frjálsum íþróttum jafnt á vegum Hattar sem og UÍA á árunum 1976-1992 og náði stórgóðum árangri í þjálfun austfirskra frjálsíþróttamanna og -kvenna. Helga Steinunn Guðmundsdóttir fulltrúi ÍSÍ afhenti nöfnu sinni merkið ásamt kveðju og þakklæti frá Íþrótta- og Ólympíusambandi Íslands. Helga þakkaði fyrir sig og sagði m.a. annars ,,að nýjir tímar, krefðust nýrra leiða og nálgunar en biðu jafnframt upp á nýja möguleika og ný ævintýri austfirsku íþróttafólki til handa". Óskum við Helgu Alfreðsdóttur innilega til hamingju með viðurkenninguna og þökkum henni ómetanlegt framlag sitt til íþróttauppbyggingar á Austurlandi.
