Fjörug frjálsíþróttahelgi framundan
Frjálsíþróttaráð UÍA blæs til fjörugrar frjálsíþróttahelgi dagana 15.-16. janúar.
Laugardaginn 15. janúar fer fram á Reyðarfirði hið árlega Meistaramót UÍA í frjálsum íþróttum fyrir 11 ára og eldri og á sunnudeginum 16. janúar verður Frjálsíþróttadagur UÍA haldinn á Egilsstöðum.
Meistaramótið hefst kl 11 en húsið opnar kl 10 og geta keppendur hafið upphitun þá.
Keppt verður í langstökki, hástökki, 60 m spretthlaupi, kúluvarpi og hringhlaupi í flokkum stráka og stelpna 11 ára, 12-13 ára, 14-15 ára og 16 ára og eldri. Skráning fer fram í mótaforriti FRÎ en einnig má senda skráningar á This email address is being protected from spambots. You need JavaScript enabled to view it.. Þátttökugjald er 1500 kr á keppenda óháð greinafjölda.
Rétt er að vera vel búinn því kalt er í höllinni.
Árangur á Meistaramóti UÍA verður hafður til hliðsjónar þegar valdir verða keppendur til að fara á Meistaramót Íslands en þau fara fram í Laugardalshöll 29.-30. janúar fyrir 15-22 ára og 26.-27. febrúar fyrir 11-14 ára.
Frjálsíþróttadagur UÍA fer fram sunnudaginn 16. janúar. En þá verður boðið uppá kynningar og æfingar í frjálsum íþróttum á Egilsstöðum fyrir 11 ára og eldri. Dagskráin er svo hljóðandi:
10:00-12:00. Æfing í íþróttahúsinu á Egilsstöðum.
12:00-13:00 Sund
13:00-13:45 Nesti og fyrirlestur.
14:00-16:00 Æfing í íþróttahúsinu Fellabæ.
Frjálsíþróttadagurinn er jafnt hugsaður fyrir þá sem hafa litla eða enga reynslu af íþróttinni sem og þá sem æfa grimmt. Ari Jósavinsson þjálfari UMSE mun sjá um æfingar og fyrirlestur ásamt þjálfurum frá UÍA.
Þátttökugjald á Frjálsíþróttadaginn er 1000 kr. Þátttakendur þurfa að hafa með sér nesti og muna eftir sundfötum.
Nánari upplýsingar og skráning er á skrifstofu UÍA, s: 4711353 og This email address is being protected from spambots. You need JavaScript enabled to view it..
