Fjórðungsglíma Austurlands

Skrifað af Ritstjórn þann 25. desember 2010.

Vekjum athygli á að Fjórðungsglíma Austurlands, baráttan um Aðalsteinsbikarinn verður háð í íþróttahúsinu á Reyðarfirði, mánudaginn 27. desember kl 16.00-18.00.

Keppt verður í eftirfarandi flokkum:

Stelpur og strákar (5.-7. bekk), meyjar og piltar (8.-10. bekk), konur og karlar (16 ára og eldri).

Hvetjum glímuáhugamenn að láta þennan viðburð ekki framhjá sér fara og fjölmenna til að fylgjast með okkar frambærilega glímufólki etja kappi á heimavelli.

Að mótinu loknu verður íþróttamaður Vals árið 2010 útnefndur.