Ungmennaráð fundar
Ungmennaráð kom saman til fundar í dag. Jónas Þór Jóhannsson skemmtanastjóri Unglingalandsmóts fundaði með ráðinu.
Vel fór á með unga fólkinu og Jónasi enda sá síðarnefndi síungur í anda. Markmið fundarins var fyrst og fremst að ræða hugmyndir ungmennaráðs að skemmtidagskrá á ULM. Það er skemmst frá því að segja að ráðið lumaði á mörgum skemmtilegum tillögum fyrir ULM og ljóst að Unglingalandsmótsgestir eiga von á góðu.
Á meðfylgjandi mynd má sjá Ungmennaráð ásamt Jônasi.
Efri röð frá vinstri: Helena Kristín Gunnarsdóttir frá Neskaupsstað, Jóhann Atli Hafliðason frá Djúpavogi og Brynjar Gauti Snorrason frá Egilsstöðum. Jónas Þór Jóhannsson situr svo fyrir miðri mynd. Á myndina vantar Sólveigu Helgu Hjarðar sem á sæti í Ungmennaráði.
