Forvarnardagur í dag

Skrifað af Ritstjórn þann 03. nóvember 2010.

Forvarnardagur 2010 verður haldinn í öllum grunnskólum landsins í dag, miðvikudaginn 3. nóvember .

Forvarnardagurinn er haldin að frumkvæði forseta Íslands í samvinnu við Samband íslenskra sveitarfélaga, Íþrótta- og Ólympíusamband Íslands, Ungmennafélag Íslands, Bandalag íslenskra skáta, Reykjavíkurborg, Háskóla Íslands og Háskólann í Reykjavík.

Í tilefni dagsins munu fulltrúar ungmennafélaga á Austurlandi heimsækja 9. bekki á svæðinu.

Dagurinn er helgaður nokkrum heillaráðum sem geta forðað börnum og unglingum frá fíkniefnum, ráðum sem eiga erindi við allar fjölskyldur í landinu.

Heillaráð dagsins eru:

• Unglingar sem verja í það minnsta klukkustund á dag með fjölskyldum sínum, eru síður líklegir til að hefja neyslu fíkniefna
• Ungmenni sem stunda íþróttir og annað skipulagt æskulýðsstarf falla mun síður fyrir fíkniefnum
• Því lengur sem ungmenni bíða með að hefja áfengisneyslu, þeim mun ólíklegra er að þau verði fíkniefnum að bráð

Frekari upplýsingar má finna hér