UMF Leiknir sjötugur

Skrifað af Ritstjórn þann 01. nóvember 2010.

Ungmennafélagið Leiknir á Fáskrúðsfirði fagnaði 70 ára afmæli sínu nú á dögunum.

Í tilefni þess var blásið til þríþrautarkeppni, þar sem ungir sem aldnir spreyttu sig á að synda, hjóla og hlaupa. Ungmennafélagsandinn var þar í fyrirrúmi og höfðu þátttakendur gott og gaman af.

Síðar um daginn var efnt til hátíðarsamkomu í skólamiðstöðinni,  snædd var dýrindis afmæliskaka, og afmælisbarnið heiðrað með margvíslegum hætti. Jakob Skúlason fulltrúi frá KSÍ veitti þeim Steinunni Björgu Elísdóttur og Steini Jónassyni starfsmerki KSÎ fyrir mikið og gott starf í þágu knattspyrnuhreyfingarinnar. Steinn Jónasson formaður Leiknis sæmdi Gísla Jónatanssyni gullmerki UMF Leiknis fyrir dyggan stuðning við félagið.

Til hamingju með áfangan Leiknismenn og -konur.

Hér á myndinni má sjá Elínu Rán Björnsdóttur formann UÍA færa Steini Jônassyni formanni Leiknis blóm og árnaðaróskir.

Myndir og frekari umfjöllun má finna á heimasíðu knattspyrnudeildar Leiknis