Hlaupamót UÍA 2009
Hlaupamót UÍA verður haldið í dag á Vilhjámsvelli. Mótið er liður í undirbúningi fyrir Sumarhátíðina.Tilgangur mótsins er ekki síst að prófa þann tímatökubúnað sem er á vellinum fyrir Sumarhátíðina og þess vegna var skammur fyrirvari á því í þetta sinn en frjálsíþróttaráð UÍA stefnir að því að halda í sumar þrjú hraðmót í frjálsum íþrótum, hlaupamót sem nú er haldið, stökkmót og kastmót.
Á mótinu verður keppt í flokkum 9-10 ára, 11-12 ára, 13-14 ára, 15-16 ára og karla og kvenna. Keppt verður í einu styttra hlaupi í hverjum flokki (60m/100m) og einu lengra (600m/800m). Sett verða upp boðhlaup til reynslu ef tími og áhugi eru fyrir hendi.
Skráð verður í Hettunni á Vilhjálmsvelli frá 17:00 og þar til mótið hefst kl. 18:00. Stefnt er að mótslokum rúmlega 21:00 og endað verður á smá hressingu og verðlaunaafhendingu í Hettunni.
