Nýtt héraðssamband
Tvö héraðssambönd, Íþróttabandalag Siglufjarðar (ÍBS) og Ungmenna- og íþróttasamband Ólafsfjarðar (UÍÓ), voru sameinuð á þriðjudaginn. Nýja héraðssambandið heitir Ungmenna- og íþróttsamband Fjallabyggðar (UÍF).
Sameiningarþingið var fjölmennt, en ÍBS hafði haldið ársþing sitt fyrr um daginn og frestað því fram að sameiningarþingi, rétt eins og UÍÓ hafði gert vikunni áður.Stjórn UÍF skipa þau Guðný Helgadóttir formaður, Þórarinn Hannesson, Gíslína Anna Salmannsdóttir, Jón Konráðsson, Björn Þór Ólafsson, Guðmundur Garðarsson og Hlynur Guðmundsson. Þriggja manna varastjórn skipa Jóhanna Þorleifsdóttir, Kristján Hauksson og Róbert Haraldsson.
UÍA óskar þessu nýja sambandi velfarnaðar í störfum sínum og hlakkar til samstarfsins.
