Fyrsti dagur frjálsíþróttaskólans að baki
Fyrsta kennsludegi Frjálsíþróttaskóla UMFÍ og FRÍ, sem UÍA heldur á Egilsstöðum, er lokið. Hraustlega var tekið á strax í byrjun þótt dagurinn byrjaði ekki fyrr en um hádegið.
Nemendurnir ellefu mættu í Ný-ung á Egilsstöðum eftir hádegið en það er dvalarstaður þeirra þessa vikuna. Reyndar koma menn ekki þangað inn nema rétt til að borða og sofa.
Á æfingunum er hópnum skipt í tvennt. Hildur Bergsdóttir, skólastýra, er með annan hópinn en gestakennari sér um hinn. Fyrsti gestakennarinn í ár var Elín Rán Björnsdóttir, formaður UÍA, en hún kenndi spjótkast. Hildur þjálfaði krakkana í langstökki á meðan.
Í kaffinu bauð Didda, matráðskona, upp á pönnukökur sem runnu ljúflega niður.
Eftir kaffið var farið í strandblak en í Egilsstaði eru nú komnir tveir strandblakvellir sem notaðir verða á Unglinglandsmótinu í sumar. Hera Ármannsdóttirkenndi grunntökin í strandblakinu.
Ekki voru allar æfingar búnar enn. Næst kom Anna Katrín Svavarsdóttir, hástökkvari frá Reyðarfirði, og kenndi síðan uppáhaldsgrein. Hildur þjálfaði spretthlaup á meðan.
Eftir kvöldmatinn var farið í sund. Hraustlega var því tekið á því fyrsta daginn.
