Unglingalandsmót 2009 á Sauðárkróki

Skrifað af Ritstjórn þann 28. febrúar 2009.

Á fundi sínum á mánudaginn ákvað stjórn UMFÍ að fela UMSS að halda Unglingalandsmót 2009.

Eins og áður kom fram hér á síðunni óskaði UÍA einnig eftir að fá að halda mótið ásamt sex öðrum héraðssamböndum. Skagfirðingar hrepptu hnossið að þessu sinni og óskum við félögum okkar í UMSS til hamingju með það.

UÍA stefnir að því að mæta með stóra sveit keppenda á mótið og hvetur stjórn UÍA alla Austfirðinga til að setja stefnuna á Sauðárkrók um verslunarmannahelgina. Mótið er frábær fjölskylduskemmtun, börn og unglingar fá að njóta sín í drengilegri keppni við jafnaldra og foreldrarnir njóta stemmingarinnar, skemmtidagskrár og veðurblíðu sem við treystum að Skagfirðingar séu búnir að tryggja.