UÍA sækir um ULM 2009
UÍA lagði í gær fram formlega umsókn um að halda Unglingalandsmót 2009 á Egilsstöðum. Ákvörðun um mótsstað verður tekin í dag.
Sjö héraðssambönd sækjast eftir mótinu í ár, en það losnaði eftir að HSH fékk að fresta mótshaldi í Grundarfirði um eitt ár. Þess vegna er aðdragandi að umsókn stuttur og ákvörðun tekin strax.
UÍA hefur haft áhuga á að sækjast eftir næsta Unglingalandsmóti í nokurn tíma og þegar þetta mót losnað var afráðið að slá til í samstarfi við Fljótsdalshérað, en þar eru öll nauðsyneg íþróttamanvirki til staðar og því raunhæft að halda mót með svo stuttum fyrirvara.
Fari svo að aðrir hreppi hnossið í þetta sinn má búast við því að UÍA falist eftir því að fá að halda næsta Unglingalandsmót sem í boði er, árið 2011.
