Nýr framkvæmdastjóri

Skrifað af Ritstjórn þann 03. júní 2008.

Stefán Bogi Sveinsson hefur verið ráðinn til starfa sem nýr framkvæmdastjóri UÍA.

Stefán Bogi er lögfræðingur og hefur undanfarin tvö ár starfað sem lögmaður í Reykjavík. Hann er ekki ókunnugur Austurlandi. Hann er fæddur á Héraði og hefur búið í Jökulsárhlíð, á Vopnafirði og síðast á Egilsstöðum þar sem hann nam við ME. Faðir hans, Sveinn Guðmundsson, sat í stjórn UÍA á sjöunda áratugnum. Sjálfur hefur Stefán mikla reynslu af félagsstörfum.

Fátt segir af íþróttaferli Stefáns en hann spilaði fót- og körfubolta með yngri flokkum Hattar, fótbolta með meistaraflokki Þristar og keppti í kringlukasti á bikarmeistaramóti fyrir hönd UÍA. Að hans eigin sögn varð hann ekki neðstur.

Hann hefur þegar tekið til starfa og mun stýra skrifstofu UÍA á Egilsstöðum.