Kvennahlaupið á besta degi sumarsins
Hundruðir kvenna um allt Austurland tóku þátt í kvennahlaupinu sem fram fór á laugardag. Sólin skein á hlýjasta degi sumarsins, eiginlega þeim eina til þessa en mörgum þykir þægilegra að hlaupa í svalara loftslagi.
Yfir 100 konur tóku þátt í hlaupinu á Egilsstöðum. Skipuleggjendur þar, úr frjálsíþróttadeild Hattar, segja hlaupið hafa gengið vel. Fjöldi hljóp einnig á Norðfirði og fleiri stöðum.
Á Seyðisfirði er jafnan lengsta hlaupið en í boði er 20 km leið út með firðinum.
Myndir frá Egilsstöðum: Sveinbjörn
