Frjálsíþróttaráð UÍA, hefur komið á laggirnar Úrvalshóp UÍA í frjálsum íþróttum. Lámörk eru inn í hópinn og er hann fyrst og fremst hugsaður til að styðja við og stykja iðkendur sem skara fram úr, í frjálsum íþróttum hér eystra og efla þá til að ná enn lengra.
Glímufólk innan vébanda UÍA lagði land undir fót síðastliðna helgi og tók þátt í Meistaramóti Íslands og Sveitaglímu Íslands 15 ára og yngri og fyrstu umferð í Meistaramóti Íslands 16 ára og eldri. Mótin fóru fram á Selfossi og átti UÍA 22 keppendur á þeim.
Gaman er að fá fréttir úr starfi aðildarfélaga UÍA. Hér kemur ein slík.
Árlegt Skógarskokk Ungmennafélagsins Þristar fór fram fyrir skemmstu. Um 50 þátttakendur komu saman í Hallormsstaðarskógi og nutu útivistar og hreyfingar saman.
37. Sambandsráðsfundur UMFÍ fór fram á Egilsstöðum 16. október síðastliðinn. Þar var meðal annars undirritaður samstarfssamningur milli UMFÍ og UÍA um framkvæmd 14. Unglingalandsmóts UMFÍ sem fara mun fram á Egilsstöðum næsta sumar.
Skrifstofa UÍA verður lokuð 18.-26. október vegna námskeiðs starfsmanns.
Vekjum athygli á að laugardaginn 9. október fara fram á Egilsstöðum, Geðhlaup og Geðganga, í tilefni af Alþjóða geðheilbrigðisdeginum. Skráning hefst kl 13.00 við Níuna Miðvangi 1-3 og hefjast hlaup og ganga kl 13.30. Hvetjum alla til að taka þátt og hreyfa sig sér til gangs og gleði.
Frjálsíþróttaráð UÍA stóð fyrir sameiginlegri UÍA æfingu í frjálsum íþróttum 9. október síðastliðinn í íþróttahöllinni á Reyðarfirði.
Mæting var góð og mikið líf og fjör eins og meðfylgjandi myndir bera með sér. Vonandi verður þetta fyrsta æfingin af mörgum slíkum.
Fulltrúar aðildarfélaga UMFÍ flykkjast nú austur á 37. Sambandsráðsfund UMFÍ sem fer fram á Egilsstöðum um helgina.
Á fundinum verður meðal annars undirritaður samstarfssamningur UMFÍ og UÍA um framkvæmd Unglingalandsmóts 2011 og mótið kynnt fundarmönnum.
Frjálsíþróttaráð UÍA stendur fyrir opinni frjálsíþróttaæfingu í höllinni á Reyðarfirði laugardaginn 9. október kl 10:00-13:00. Æfingin er ætluð öllum 10 ára og eldri sem áhuga hafa á íþróttinni. Lovísa Hreinsdóttir og Mekkin Bjarnadóttir sem stjórna frjálsíþróttaæfingum Hattar og fara með formennsku í frjálsíþróttaráði hafa umsjón með æfingunni.
Skrifstofa UÍA er staðsett að Tjarnarási 6 á Egilsstöðum gegnt Flytjanda.
Almennur opnunartími skrifstofu er frá kl. 9:00-15:00 alla virka daga.
Framkvæmdastjóri er Gunnar Gunnarsson.
Netfang: uia@uia.is og sími 471-1353.
Kennitala UÍA er: 660269-4369.
