Aðalsteinsbikarinn - Fjórðungsglíma Austurlands

Skrifað af Ritstjórn þann 29. desember 2014.

Tuttugu og þrír keppendur kepptu í þremur flokkum karla og þremur flokkum kvenna um Aðalsteinsbikarinn, í Íþróttahúsinu á Reyðarfirði 27. desember 2014. Mótið tókst með ágætum og sjá mátti margar líflegar glímur um hin veglegu verðlaun, Aðalsteinsbikarinn, sem gefinn var í minningu Aðalsteins Eiríkssonar glímukappa og glímufrömuðar á Reyðarfirði.

Eftirtaldir einstaklingar stóðu uppi sem sigurvegarar og hömpuðu  Aðalsteinsbikarnum árið 2014

Stelpur 10-12 ára – Fanney Ösp Guðjónsdóttir og Marta Lovísa Kjartansdóttir

Strákar 10- 12 ára – Kjartan Mar Garski Ketilsson

Meyjar 13-15 ára – Kristín Embla Guðjónsdóttir

Piltar 13- 15 ára – Leifur Páll Guðmundsson

Konur  - Eva Dögg Jóhannsdóttir

Karlar – Ásmundur Hálfdán Ásmundsson