Fimleikafólk á ferð og flugi

Skrifað af Ritstjórn þann 25. nóvember 2014.

Það hefur verið mikið um að vera hjá fimleikafólki Hattar undanfarnar helgar. Íslandsmótið í stökkfimi fór fram í Keflavík 15.-16. nóvember og þar átti fimleikadeild Hattar myndarlegan hóp.

Á stökkfimimóti er keppt á trampólíni með og án hests og á stökkgólfi bæði í stökkum sem eru gerð fram og afturábak.

Tuttugu og einn keppandi fór frá fimleikadeild Hattar á Egilsstöðum.  Voru þetta bæði  drengir og stúlkur sem æfa hjá fimleikadeildinni.

Keppendur stóðu sig vel á mótinu og náðu frábærum einkunnum og þá sérstaklega fyrir framkvæmd æfinga.

Helstu árangrar okkar fólks voru eftirfarandi:

Stúlkur 13 ára - B deild

Trampólín

2 sæti Soffía Mjöll Thandrup Höttur

Stúlkur 9 ára - B deild

Trampólín

2 sæti Þóra Jóna Þórarinsdóttir  Höttur

5 sæti Katrín Edda Jónsdóttir Höttur

Drengir 9-12 ára -  B deild

Trampólín

1 sæti Alvar Logi Helgason Höttur

2 sæti Almar Aðalsteinsson Höttur

3 sæti Axel Már Guðmundsson Höttur

Dýna 9-12 ára - B deild

2 sæti Alvar Logi Helgason Höttur

3 sæti Eiður Kristinsson Höttur

Samanlögð einkunn

1 sæti Alvar Logi Helgason Íslandsmeistari

3 sæti Axel Már Guðmundsson

4 sæti Alex Logi Georgsson

Drengir 9-12 ára - A deild

í þessum flokki var Gunnþór Elís Georgsson í fyrsta sæti á

öllum áhöldum og Íslandsmeistari í þessum flokk.

Mótið var hið glæsilegasta, gaman að fara á mót til Keflavikur sem endaði með

fimleikaæfingu í glæsilegu fimleikahúsi Keflavíkur.

Helgina eftir  var Haustmót Fimleikasambands Íslands í hópfimleikum haldið á Selfossi.

Fimleikadeild Hattar sendi  22 keppendur eða 2 lið sem kepptu í 4 flokki 10-11 ára og í 3 flokki 12-13 ára.

Í lok keppni á haustmóti er liðunum raðað í A deild og B deild eftir einkunnum mótsins.

Haustmótið var fjölmennt mót og mikil keppni í gangi.

Hattarkrökkunum gekk mjög vel og náðu bæði liðin í A deild.

4.flokkurinn varð í 5 sæti af 14 liðum og verður því í A deild.

3.flokkurinn varð í 3 sæti af 17 liðum og verður því í A deild í vetur.

Iðkendur okkar fluttu sig yfir til Gerplu á sunnudeginum eftir vel lukkað mót og tóku tveggja daga æfingabúðir hjá Gerplu enda aðstaðan þar afar góð.

Myndir af fimleikakrökkunum, má sjá á facebook síðu UÍA