Bikarmót í sundi á Djúpavogi
Hið árlega Bikarmót UÍA í sundi fer fram á Djúpavogi á morgun, sunnudag. Um 90 keppendur, á aldrinum 6-17 ára, eru skráðir til leiks. Sex sunddeildir taka þátt í mótinu og ljóst að baráttan um bikarinn verður spennandi. Neisti hefur verið sigursæll á Bikarmótinu undanfarin ár, og gaman verður að sjá hverjir hreppa titilinn í ár.
Mótið hefst kl 11 og eru allir velkomnir.
