Samæfing í frjálsíþróttum á mánudag

Skrifað af Ritstjórn þann 04. júlí 2014.

Næstkomandi mánudag verður samæfing á Vilhjálmsvelli, fyrir alla áhugasama frjálsíþróttaiðkendur á Austurlandi.

Æfingin er hugsuð sem smá upphitun fyrir Sumarhátíð UÍA sem fram fer helgina 11.-13. júlí og er frábært tækifæri fyrir krakkana til að prufa völlinn og njóta þeirrar góðu aðstöðu sem þar býðst.

Fjöldi þjálfara aðstoðar við æfinguna og er hún opin öllum og þátttakendum að kostnaðarlausu.

Æfingin hefst kl 17:00, 10 ára og yngri æfa til kl 18:00 en 11 ára og eldri til 18:30.