Til hamingju með áttræðis afmælið Vilhjálmur Einarsson
Vilhjálmur Einarsson er áttræður í dag, en hann er Austfirðingum og landsmönnum öllum að góðu kunnur fyrir afrek sín í þrístökki, ber þar hæðst silfurverðlaun á Ólympíuleikunum í Melbourne í Ástralíu 1956. Frjálsíþróttakappar dagsins í dag sjást gjarnan rýna aðdáunarfullir í fótspor Vilhjálms úr stökkinu mikla en sjá má fótspor, mörkuð á Vilhjálmsvelli, sem líkja eftir stökkinu sem spannaði 16,26 m.
UÍA sendir Vilhjálmi bestu afmæliskveðjur og þakkar honum fyrir fjölbreytt framlag til íþróttastarfs á Austurlandi og afrek hans á íþróttasviðinu, sem enn í dag fylla Austfirðinga og íþróttafólk um allt land stolti og er þeim hvatning til dáða.
Margir eiga ugglaust eftir að fagna með kappanum í dag og hefur Frjálsíþróttasamband Íslands opnað viðburð á Facebook þar sem landsmönnum gefst kostur á að senda Vilhjálmi kveðjur í tilefni dagsins. Jafnvel láta þess getið hvernig hann og afrek hans hafa veitt hvatningu og innblástur eða gauka þar inn myndum, sögum og fróðleik um meistarann.
