Norræn ungmennavika í Noregi
UMFÍ aulgýsir eftir áhugasömum ungmennum til að taka þátt í Ungmennaviku NSU í Noregi. UMFÍ á sæti fyrir 12 þátttakendur að þessu sinni og styrkir alla þátttakendur sína til ferðarinnar. Ungmennavikan fer fram dagana 28. júlí til 2.ágúst næstkomandi. Ungmennavika NSU rennur að þessu sinni inn í stórviðburð sem Norsk Frilynt heldur fyrir aðildarfélög sín í Noregi ár hvert og heitir SplæshCamp.
Dagskráin er stórglæsileg og þema vikunnar að þessu sinni er leikhús, kvikmyndagerð og menning tengt norrænum glæpasögum. Á SplæshCamp mæta um 350 ungmenni víðsvegar frá Noregi og þátttakendur frá hinum norðurlöndunum verða um 60. Hér má finna frekari upplýsingar um vikuna.
Skráningarfrestur á ungmennavikuna rennur út 20.maí nk.
Allar nánari upplýsingar um kostnað og styrki veitir Sabína Steinunn landsfulltrúi í síma 568-2929 og á netfanginu This email address is being protected from spambots. You need JavaScript enabled to view it..
