Austfirskt glímufólk í fremstu röð á EM í fangbrögðum
UÍA átti þrjá keppendur í landsliði Íslands sem keppti á Evrópumeistaramótinu í keltneskum fangbrögðum í Leon á Spáni um nýliðna helgi. Óhætt er að segja að árangurinn hafi verið góður og sex verðlaun staðreynd í lok móts.
Eva Dögg Jóhannsdóttir íþróttamaður UÍA 2013 hafnaði í öðru sæti í Gouren og því þriðja í hvoru tveggja Backhold og Lucha leonesa í -63 kg flokki. Ásmundur H. Ásmundsson tók silfur í tveim greinum; Gouren og Lucha leonesa og brons í þeirri þriðju Backhold í +90 kg flokki. Hjörtur Elí Steindórsson hafnaði í 5. sæti í Gouren og því 6. í Backhold og Lucha leonesa í flokki -68 kg.
Hér á myndinni má sjá landsliðshópinn glaðbeittan á Spáni.
