Úrslitin í blakinu ráðast í kvöld.
Þróttur og Afturelding mætast í kvöld í hreinum úrslitaleik um Íslandsmeistaratitilinn í blaki kvenna í Mosfellsbæ. Stemmingin er góð í liði Þróttar eftir sigur í síðasta leik.
Þróttur vann fyrsta leikinn í Mosfellsbæ en Afturelding næstu tvo og hefði getað tryggt sér titilinn í Neskaupstað. Þróttur vann þann leik hins vegar 3-1 og tryggði sér oddaleikinn í kvöld.
Leikurinn í kvöld hefst klukkan 19:30 og verður í beinni útsendingu á sporttv.is.
