Enn bætist í Íslandsmeistaratitlasafnið hjá Þrótti
Sex lið frá Þrótti lögðu í 12 klukkustunda rútuferð á Íslandsmót 2. og 4. flokks sem fram fór í Kórnum í Kópavogi um síðustu helgi. Ekki var að sjá að ferðalagið sæti neitt í þeim, tveir Íslandsmeistaratitlar skiluðu sér austur.
Stúlknalið Þróttar hömpuðu Íslandsmeistaratitlum, bæði í 4. flokki A liða og B liða og piltalið Þróttar hreppti brons í 4. flokki A liða.
Auk þess átti Þróttur lið í 5. sæti B liða í 4. flokki pilta og í 6. sæti í A liða í 4. flokki stúlkna.
Með þessu slógu Þróttarkrakkar glæsilega lokatóninn á gjöfulu keppnistímabili yngri flokka en fjórir Íslandsmeistaratitlar hafa skilað sér austur til yngri flokka Þróttar á þessari leiktíð.
Á myndunum hér til hliðar má sjá nýkrýnda Íslandsmeistra Þróttar í 4. flokki A og B liða stúlkna.
