Kristín Embla glímukona ársins

Skrifað af Skrifstofa þann 03. janúar 2023.

Kristín Embla Guðjónsdóttir var kjörin glímukona ársins af Glímusambandi Íslands.

Kristín Embla sigraði Íslandsglímuna og varð Glímudrottning Íslands árið 2022, en það er í annað sinn sem hún sigrar Íslandsglímuna. Kristín varð í efstu tveimur sætunum á flestum mótum ársins, en keppnin var einstaklega hörð í kvennaflokknum. Kristín Embla hefur verið ein fremsta glímukona Íslands undanfarin ár. 

Kristín keppir undir merkjum Vals á Reyðarfirði eða UÍA. 

UÍA vill óska Kristínu til hamingju með frábæran árangur á árinu sem var að líða.