Ferðasaga | Glímukappar UÍA í Skotlandi
Glímusamband Íslands fór í æfinga- og keppnisferð til Skotlands með unglingalandslið Íslands 30.júlí til 3.ágúst. Frá UÍA fóru 3 keppendur, þær Bylgja Rún Ólafsdóttir, Kristín Embla Guðjónsdóttir og Rebekka Rut Svansdóttir. Þessi ferð var í samstarfi við Skoska Back-hold sambandið og einnig voru þar Frakkar sem bættust í hópinn.
Flogið var til Glasgow fimmtudaginn 30. júlí, þaðan var farið til Edinborgar til þess að kaupa skotapils sem keppt var í á Sunnudeginum. Eftir það var svo keyrt til Dundee og þaðan á Skátasvæðið þar sem æfingabúðirnar voru. Æfingarnar byrjuðu svo á föstudeginum, og æft var Backhold (Skotland), Gouren (Frakkland) og Glímu (Ísland). Á laugadeginum var svo sama æfingarfyrirkomulagið. Á sunnudeginum var farið á hálandaleika þar sem var keppt í Backhold. Íslendingum gekk mjög vel og Bylgja Rún hafnaði í 2. sæti í opnum flokki unglinga og 5. sæti í opnum flokki fullorðinna og Kristín Embla hafnaði í 3. sæti í opnum flokki unglinga. Á mánudeginum var síðan flogið til Íslands og á þriðjudeginum flugu fulltrúar UÍA austur.
Þessi ferð var mikið meira en bara æfinga – og keppnisferð, þar sem fullt af nýjum vinum bættust í hópinn frá Skotlandi, Frakklandi og einnig frá Íslandi.
Fararstjórar voru þau Ólafur Oddur Sigurðsson, Jóhanna Margrét Árnadóttir og Guðmundur Stefán Gunnarsson
