Vigdís Diljá er sumarstarfsmaður UÍA
Á dögunum hóf Fellbæingurinn Vigdís Diljá Óskarsdóttir störf sem nýr sumarstarfsmaður hjá UÍA. Vigdís Diljá er fædd á svæðinu og uppalin í kringum íþróttastarf Hattar, þó mest í kringum fimleikana. Vigdís stundar nám í fjölmiðlafræði við Háskólann á Akureyri auk þess er hún fulltrúi UÍA í Ungmennaráði UMFÍ, sem staðið hefur fyrir metnaðarfullum verkefnum á síðustu misserum. Þar má nefna ungmennaskipta verkefnið Snjóboltann (The Snowball), ráðstefnuna Ungt fólk og lýðræði auk leiðtogasólarhrings á Laugarvatni.
Við bjóðum Vigdísi Diljá velkomna til starfa.
