Flottur árangur hjá fimleikdeild Hattar á Íslandsmót í hópfimleikum
Um síðustu helgi var Íslandsmót Fimleikasambands Íslands í hópfimleikum haldið af Gerplu í Kópavogi. Þetta er eitt stærsta mót sem Fimleikasambandið hefur haldið en á mótið voru skráðir um 800 keppendur á aldrinum 9-17 ára. Frá fimleikadeild Hattar fóru 63 keppendur. Keppendur voru á aldrinum 9-17 ára.
Öll lið fimleikadeildar Hattar eru í A-deild en á haustmóti raðast lið niður í deildir og er það okkur mikið ánægjuefni að vera í þeirri deild.
Fimleikadeildin fór með stóran hóp af ungum keppendum, 9 ára sem voru að keppa í fyrsta skipti á FSÍ móti.
Af gömlum vana var ferðin vel nýtt til æfinga í fimleikahúsum höfuðborgarinnar og nutu iðkendur deildarinnar þess til hið ítrasta. Iðkendur nýttu tækifærið vel og fóru heim með ný stökk í fararteskinu sem vonandi verður hægt að framkvæma heima á Héraði.
Úrslit mótsins hjá liðum Hattar voru á þessa leið:
5 flokkur - 9 ára
2.sæti
4 flokkur - 10-11 ára
3.sæti
3 flokkur - 12-13 ára
3.sæti
2 flokkur mix - 14-15 ára
2.sæti
1 flokkur - 13-17 ára
6.sæti
