Valinn í landsliðið í mótórkrossi
Hjálmar Jónsson, Akstursíþróttafélaginu START hefur verið valinn í íslenska landsliðið í mótórkrossi. Bæði hann og yngri bróðir hans hafa náð frábærum árangri á Íslandsmótinu í sumar.
Hjálmar verður í íslenska landsliðinu sem tekur þátt í heimsmeistarakeppni landsliða um miðjan næsta mánuð. Keppnin verður í Denver, Colorado í Bandaríkjunum. Hjálmar keppir í opnum flokki, þeim sama og hann keppir í í Íslandsmótinu, en þrír efstu í keppninni voru valdir í landsliðið.
Yngri bróðir Hjálmars, Björgvin Jónsson, er í öðru sæti í unglingaflokki í Íslandsmótinu og á möguleika á að vinna Íslandsmeistaratitilinn. Úrslitin ráðast í seinasta móti ársins. Björgvin hefur komist á verðlaunapall í öllum mótum sumarsins og unnið tvö þeirra.
