Torfærukeppni um helgina
Akstursíþróttafélagið START, annað tveggja slíkra innan UÍA, heldur torfærukeppni í Mýnesgrús á laugardag. Torfærukappar hafa nokkur kvöld nýtt sér fundaraðstöðu á skrifstofu UÍA til skrafs og ráðagerða.
Keppnin hefst klukkan 13:00 og er þriðja umferðin í Íslandsmeistaramótinu. Tuttugu keppendur eru skráðir til leiks, 12 í flokki sérútbúinna bifreiða og átta í götubílafokki. Þrír Austfirðingar eru í sérútbúnaflokknum: Ólafur Bragi Jónsson, fyrrverandi Íslandsmeistari og íþróttamaður UÍA árið 2008, Guðlaugur Sindri Helgason og Kristmundur Dagsson. Davíð Snær Guttormsson keppir í götubílaflokki.
