UÍA maður setti Íslandsmet á Laugum
Atli Geir Sverrisson, Hetti, setti um helgina Íslandsmet í sleggjukasti í 12 ára flokki á Sumarleikum HSÞ á Laugum. Atli kastaði sleggjunni 27,83 metra og vantaði aðeins tvo sentímetra upp á að bæta eldra met um slétta tvo metra. UÍA fólk vann til fjölda annarra verðlauna.
Daði Fannar Sverrisson kom heim með átta gullverðlaun í flokki pilta 13-14 ára en hann sigraði í kúluvarpi, kringlukasti, langstökki, spjótkasti, 80 og 300 metra grindahlaupi, 400 metra hlaupi og sleggjukasti með kasti upp á 48,25 metra, aðeins þrjátíu metrum lengra en næsti maður kastaði.
Bjarmi Hreinsson vann þrenn gullverðlaun í flokki drengja 17-18 ára, í kúluvarpi, sleggjukasti og langstökki.
Erla Gunnlaugsdóttir sigraði í þrístökki og spjótkasti 15-16 ára meyja og Helga Jóna Svansdóttir í langstökki og 800 metra hlaupi stelpna 11-12 ára en í 800 metra hlaupinu varð Eyrún Gunnlaugsdóttir önnur.
Einar Bjarni Hermannsson kastaði kúlunni lengst sveina 15-16 ára, Sigríður Tinna Sveinbjörnsdóttir varð fyrst í mark í 400 metra hlaupi meyja 15-16 ára, Mikael Máni Freysson stökk lengst stráka 11-12 ára og Lovísa Hreinsdóttir fleygði sleggjunni lengst í kvennaflokki.
Þau, sem og aðrir keppendur UÍA, stigu oftar á verðlaunapall á Laugum.
Nánari úrslit mótsins má finna á vef FRÍ.
