Frjálsíþróttamót á Fáskrúðsfirði á laugardag
UÍA heldur Austurlandsmót í frjálsum íþróttum 10 ára og yngri nú á laugardaginn. Mótið fer fram í íþróttahúsinu á Fáskrúðsfirði. <!-- @page { margin: 0.79in } P { margin-bottom: 0.08in } -->
Húsið opnar kl. 12:00 en keppni hefst 13:00 og er keppt í flokkum hnokka og hnáta 9-10 ára og polla og pæja 8 ára og yngri. Keppnisgreinar eru spretthlaup, langstökk án atrennu og boltakast en einnig verður keppt í skemmtilegri þrautabraut þar sem verður boðhlaup og skipt í lið á staðnum.
Mótið er fyrir alla hressa krakka 10 ára og yngri og við hvetjum sem flesta til að mæta og prófa. Auk keppni kom síðan góðir gestir úr Ávaxtakörfunni í heimsókn og taka lagið. Skráning er á skrifstofu UÍA og skráningarfresturinn rennur út á hádegi á föstudag. Skráningargjöld eru innheimt gegnum félag viðkomandi keppanda.
