Erna féll úr leik
Fellbæingurinn Erna Friðriksdóttir féll í seinni ferðinni í stórsvigi á vetrarólympíuleikum fatlaðra í gær en leikarnir fara fram í Vancouver í Kanada. Erna hefur þar með lokið þátttöku sinni á leikunum.
Erna fór brautina á tímanum 2.00,62 mínútum í fyrri ferðinni. Hún var langt komin niður seinni ferðina þegar hún féll.
Bandaríkjakonan Alana Nichols var fljótust niður en tími hennar samanlagt var 2.57.57 mínútur.
Erna hefur þar með lokið keppni á leikunum en hún varð á mánudag fyrsti íslenski keppandinn í alpagreinum á vetrarólympíuleikum fatlaðra þegar hún keppti í svigi.
