Frjálsíþróttafólk á Byrsmóti
Fimmtán börn og unglingar frá frjálsíþróttadeild Hattar lögðu leið sína norður síðustu helgi og kepptu á Byrsmóti UFA í Boganum á Akureyri. Mótið var fjölmennt og stóðu krakkarnir sig með miklum sóma. Vakti það meðal annars athygli að UÍA átti þrjá efstu menn í hástökki 12-13 ára stráka.
Úrslit mótsins má nálgast í mótaforriti FRÍ.
Hér á myndinni til hliðar má sjá hópinn ánægðan eftir viðburðarríkan dag og gómsæta pizzuveislu í boði mótshaldara.
